Blað Ábyrgra feðra komið út

Félagið Ábyrgir feður hefur nú gefið út sitt fyrsta blað. Það má sjá á tölvutæku formi á heimasíðu þeirra.

Í blaðinu er fjallað um feður og hlutverk þeirra í lífi barna sinna á fjölbreyttan og áhugaverðan hátt. Ýmsar staðreyndir og fróðleiksmolar um stöðu feðra gagnvart börnum sínum koma þar fram og eru ræddir.

Ingólfur V. Gíslason, sviðsstjóri á Jafnréttisstofu, birtir þar grein undir titlinum Nútímafeður eru uppalendur barna sinn. Þar fjallar hann um íslenska feður í evrópsku samhengi og verkefni sem Jafnréttisstofa hefur unnið á þeim vettvangi.

Jafnréttisstofa vill óska Ábyrgum feðrum til hamingju með vel heppnað blað og fagnar þessum nýja vettvangi til umræðu karla um hlutverk sitt sem feður.

Blaðið má finna hér.