Fréttir

Ert þú kona sem hefur verið beitt ofbeldi í nánu sambandi? Vilt þú taka þátt í rannsókn á því hvernig konur leita sér hjálpar, vinna úr og eflast eftir ofbeldi í nánu sambandi? Skilyrði fyrir þátttöku er að vera kona, 18 ára eða eldri, hafa orðið fyrir ofbeldi í nánu sambandi og a.m.k. eitt ár verður að hafa liðið frá því að ofbeldissambandinu lauk.

Ársskýrsla Jafnréttisstofu fyrir árið 2019 er komin út. Í henni má finna yfirlit yfir helstu verkefni Jafnréttisstofu og þær áherslur sem lagðar voru í jafnréttismálum á umræddu tímabili.

Jafnréttisstofa hefur gefið út nýtt veggspjald um bann við mismunun sem ætlað er að minna á mikilvægi þess að raunverulegt jafnrétti náist en það gerist ekki eingöngu með lagasetningum heldur krefst samtals og skilnings.

Í lögum um jafna stöðu og jafnan rétt kvenna og karla nr. 10/2008 og lögum um jafna meðferð óháð kynþætti og þjóðernisuppruna nr. 85/2018 er að finna sérstök ákvæði sem laun, starfskjör og uppsagnir.

Í lögum um jafna stöðu og jafnan rétt kvenna og karla nr. 10/2008 og lögum um jafna meðferð óháð kynþætti og þjóðernisuppruna nr. 85/2018 er að finna sérstök ákvæði sem varða skóla og uppeldisstofnanir.

Drífa Jónasdóttir, doktorsnemi við læknadeild Háskóla Íslands, hefur síðustu ár rannsakað umfang og eðli heimilisofbeldis, eins og það birtist í gögnum hjá Landspítalanum á tíu árum frá 2005 til 2014. Í rannsókn Drífu var sjónum beint að líkamlegum áverkum, ekki þeim sálrænu, sem rannsóknir sýna að eðli málsins samkvæmt geti verið miklir. Rannsókn Drífu dregur einnig fram í dagsljósið þann kostnað sem fylgir spítalakomum kvennanna, kostnaður eins og hann birtist í gögnum Landsspítalans.

Við hönnun og birtingu auglýsinga skal gæta þess að farið sé eftir lögum um jafna stöðu og jafnan rétt kvenna og karla nr. 10/2008 og lögum um jafna meðferð óháð kynþætti og þjóðernisuppruna nr. 85/2018. Í lögunum er tekið fram að auglýsandi og sá sem hannar eða birtir auglýsingu skuli sjá til þess að auglýsingin sé ekki til minnkunar, lítilsvirðingar eða stríði gegn lögum.

Í haust bauð Jafnréttisstofa sveitarfélögum upp á fjarnámskeið um jafnréttislöggjöfina og aðferðafræði kynjasamþættingar sem sveitarfélögum er ætlað að nota við stefnumótun og ákvarðanatöku í tengslum við þjónustu við borgarana. Námskeiðið var vel sótt og nú býður Jafnréttisstofa starfsfólki sveitarfélaganna frítt aðgengi að nokkrum fyrirlestrum í rúma viku.

Þú átt VON er afrakstur vitundarvakningarverkefnis um heimilisofbeldi og ofbeldi í nánum samböndum. Þar er bent á fjölbreyttan stuðning og aðstoð sem er í boði og þolendur hvattir til að hringja í 112 til að leita sér hjálpar og finna það úrræði sem hentar best.

Sjónvarpsþáttaröðin HVERS VEGNA EKKI?! - frábærir framhaldsþættir sem slegið hafa í gegn víða í Evrópu og hafa hlotið fjölda viðurkenninga. Hvers vegna ekki?! fjallar um ævintýralegt ferðalag Önnu Sooväli frá því að vera bekkjarlúðinn í að verða hin ofursvala rappstjarna NoJik. Auk þess fáum við að fylgjast með fjölskyldu- og félagslífi Önnu, sem er vægast sagt viðburðaríkt. Hver þáttur er u.þ.b. 28 mínútur og þættirnir eru 10 talsins og eru textaðir á íslensku.