Nýr gátlisti til að efla fjölbreytni í sveitarstjórnum

Fjölbreyttari sjónarmið í sveitarstjórnum á Íslandi – Gátlisti gefinn út

Íslenskt samfélag einkennist af fjölbreytileika, en sú fjölbreytni endurspeglast enn ekki nægilega í samsetningu sveitarstjórna né í ákvarðanatöku þeirra. Til að bregðast við þessu hefur verið gefinn út nýr gátlisti sem miðar að því að styðja sveitarstjórnir í að efla fjölbreytni og inngildingu í stjórnsýslunni.

Gátlistinn byggir á fimm lykilþáttum:

• Fjölbreyttari framboðslistum
• Jafnvægi í samsetningu sveitarstjórna
• Öflugu samráði
• Auknu öryggi
• Reglubundinni fræðslu

Markmiðið er að skapa raunverulega spegilmynd samfélagsins innan sveitarstjórna og tryggja að ólík sjónarmið fái að njóta sín í ákvarðanatöku. Með því að vinna markvisst að fjölbreytileika og inngildingu geta sveitarfélög aukið lýðræðislega þátttöku og stuðlað að nýjum og hagkvæmum lausnum.

Gátlistinn er sveigjanlegur og nýtist á öllum stigum sveitarstjórnarstarfsins – allt frá framboðsferlinu til daglegra ákvarðana. Hann tekur einnig mið af mismunandi aðstæðum sveitarfélaga, hvort sem um er að ræða stór eða smá, þéttbýli eða dreifbýli.

Þessi útgáfa er liður í því að tryggja að enginn sé útilokaður frá ákvarðanatökuferlinu og að öll finni sig sem virka þátttakendur í lýðræðislegu samfélagi.

Gátlistann má nálgast hér.