Fréttir

Jóla- og nýárskveðjur

Starfsfólk Jafnréttisstofu óskar öllum landsmönnum gleðilegra jóla og heillaríks komandi árs.

Guðrún Jónsdóttir fær viðurkenningu Jafnréttisráðs

Á mannréttindadegi Sameinuðu þjóðanna 10. desember veitti Jafnréttisráð árlega viðurkenningu sína fyrir framlag til jafnréttismála. Að þessu sinni var það Guðrún Jónsdóttir talskona Stígamóta sem fékk viðurkenninguna.

Afhending jafnréttisviðurkenningar Jafnréttisráðs árið 2010

Jafnréttisviðurkenning Jafnréttisráðs verður afhent í  Iðnó á morgun föstudaginn 10. desember kl. 16. Þetta er árviss viðburður og er viðurkenningin nú afhent í 18 sinn. Fyrirtæki, stofnanir og einstaklingar, stundum fleiri en einn, hafa hlotið viðurkenninguna. Allir velkomnir.

Friðhelgi

Nýlega lauk þáttaröðinni Friðhelgi-Kynferðisofbeldi á Íslandi hjá Ríkisútvarpinu en þeir voru í umsjón  Eddu Jónsdóttur.  Edda leitaði víða fanga til að gera efninu sem best skil en hún tók viðtöl við brotaþola kynferðisofbeldis, fræðimenn, sérfræðinga og aðra með þekkingu á þessum málaflokki hérlendis.  Hægt er að nálgast þættina hér 

Ljósaganga og samstaða á Akureyri

Í tilefni af alþjóðlegu 16 daga átaki gegn kynbundnu ofbeldi verður efnt til ljósagöngu og samstöðu á Ráðhústorgi fimmtudaginn 9. desember. Gengið verður með kyndla og kerti frá Akureyrarkirkju kl.16:30.

Kvikmyndasýning

Jafnréttisstofa,Aflið, Kvikmyndaklúbbur Akureyrar og Akureyrarbær standa fyrir kvikmyndasýningu í tilefni af 16 daga átaki gegn kynbundnu ofbeldi.

Alþjóðlegt átak gegn kynbundnu ofbeldi

Þann 25. nóvember síðastliðinn hófst alþjóðlegt 16 daga átak gegn kynbundnu ofbeldi hérlendis með Ljósagöngu og morgunverðarfundi á vegum Unifem.

Málþing um ofbeldi

Málþing um ofbeldi í tilefni af útgáfu bókarinnar Ofbeldi: Margbreytileg birtingarmynd verður haldið fimmtudaginn 2. desember kl. 14-16 í stofu 101 á Háskólatorgi

Jafnréttisviðurkenning Stígamóta 2010

Í dag á alþjóðlegum baráttudegi gegn kynferðisofbeldi veitti Stigamót jafnréttisviðurkenningu sína. Í fréttatilkynningu kemur fram að baráttan gegn kynferðisofbeldi getur verið erfið og málaflokkurinn blettur á íslensku samfélagi. Þess vegna er svo mikilvægt að halda til haga því sem vel er gert. Viðurkenninguna hlutu dr. Guðrún Jónsdóttir, stofnandi Stigamóta, Eyrún Jónsdóttir, forstöðukona Neyðarmóttöku vegna nauðgana, Anna Bentína Hermansen, Edda Jónsdóttir, blaðakona og Sigrún Pálína Ingvarsdóttir auk þess veitti Stígamót erlendum samstarfsaðilum samstöðuviðurkenningar fyrir ómetanlegan stuðning við starfsemi Stígamóta og Stígamótakonur í neyð.

Nám í hagnýtri jafnréttisfræði við Háskóla Íslands

Diplómanám í hagnýtri jafnréttisfræði veitir nemendum hagnýta þekkingu til starfa að jafnréttismálum. Námið er 30 einingar og hægt að stunda með vinnu. Hluti námsins er bæði stað- og fjarkenndur svo fólki á landsbyggðinni gefst kostur á að nýta sér það. Samþætting kynja- og jafnréttissjónarmiða er lögboðin á Íslandi og sjónarhorn kynjajafnréttis á að flétta inn í stefnumótun og ákvarðanir á öllum sviðum samfélagsins. Í náminu er veittur hagnýtur undirbúningur fyrir þetta og önnur verkefni að jafnréttismálum. Þannig má tryggja að jafnréttislög verði ekki dauður lagabókstafur heldur lifandi verkfæri.