Fréttir

Jafnréttisstofa hefur birt greinargerð rannsóknar á atvinnu- og tekjumöguleikum kvenna á landsbyggðinni. Rannsóknin byggir á viðtalskönnun við konur í tveimur aldurshópum: eldri hóp, á landsbyggðinni, með háskólamenntun og starfsreynslu á sviðum sinnar sérmenntunar og yngri hópi með menntun á háskólastigi, höfðu nýlega lokið námi og voru búsettar á landsbyggðinni. Rannsóknin er hluti af aðgerðaáætlun í stefnumótandi byggðaáætlun fyrir árin 2018-2024, sem samanstóð af alls 54 aðgerðum.

Ríkisstjórnin hefur ákveðið að hefja undirbúning að rannsókn á ólaunuðum heimilis- og umönnunarstöfum, sem stundum nefnast önnur og þriðja vaktin.

Lokaráðstefna og lokafundur verkefnisins Konur gára vatnið fóru fram á Akureyri í maí síðast liðnum. 

Um miðjan júní samþykkti Alþingi breytingu á lögum um jafna meðferð óháð kynþætti og þjóðernisuppruna utan vinnumarkaðar þannig að þau ná nú til sömu mismununarþátta og lög um jafna meðferð á vinnumarkaði. Lögin taka því til jafnrar meðferðar óháð kynþætti, þjóðernisuppruna, trú, lífsskoðun, fötlun, aldri, kynhneigð, kynvitund, kyneinkennum eða kyntjáningu.

Handbók fyrir stefnumótendur

Komin er út árleg skýrsla Jafnréttisstofu um nefndir, ráð og stjórnir á vegum ráðuneytanna. Í skýrslunni er að finna greiningu á skiptingu karla og kvenna í nefndum, stjórnum og ráðum á árinu 2021 auk þess sem farið er yfir þróun síðasta áratuginn. Hlutur kvenna var 51% þriðja árið í röð.

Myndrænt yfirlit um stöðu jafnlaunavottunar og jafnlaunastaðfestingar hefur nú verið uppfært miðað við stöðuna í júní 2022.

Jafnréttisstofa vekur athygli sveitarstjórna á ákvæði laga nr. 150/2020 um jafna stöðu og jafnan rétt kynjanna sem lúta að skyldum sveitarfélag auk laga nr. 151/2020 um stjórnsýslu jafnréttismála.

Jafnréttisstofa heldur Grænt bókhald í samræmi við Græn skref fyrir ríkisstofnanir og hefur árlega skilað því til Umhverfisstofnunar fyrir árin 2019-2021.

Vorið 2013 var í fyrsta skipti kallað eftir jafnréttisáætlunum frá grunnskólum og hefur það síðan verið gert reglulega. Jafnréttisstofa mun nú hætta þeirri innköllun en leik- og grunnskólar hafa samt enn ríkar lagaskyldur til að tryggja jafnrétti í skólastarfi og er mikilvægt að þeim skyldum sé sinnt.