- Samfélag og einstaklingar
- Vinnumarkaður
- Þjónustugátt
Jafnréttisstofa stendur þann 4.júní nk. fyrir námskeiði um gerð jafnréttisáætlana fyrir fyrirtæki og sveitarfélög á Reyðarfirði.
Markmið námskeiðanna er fræðsla um jafnréttismál ásamt því að auðvelda vinnu við gerð jafnréttisáætlana og framkvæmd þeirra. Þátttökugjald er 6.000 kr. Námskeið á Reyðarfirði 4. júní 2007, kl. 9:30-12:30 Í Heiðarbæ að Melgerði 13 Nánari upplýsingar og skráning í síma 460-6200 eða með tölvupósti á Jafnréttisstofu.
Samkvæmt jafnréttislögum (13. gr.) ber sveitarfélögum ásamt fyrirtækjum og stofnunum þar sem starfa fleiri en 25 starfsmenn að setja sér jafnréttisáætlun. Jafnréttisstofa býður nú fyrirtækjum og stofnunum upp á námskeiðið í gerð jafnréttisáætlana en á þeim er fjallað um samþættingu kynja- og jafnréttissjónarmiða, stöðu kynjanna í íslensku samfélagi, hvers vegna jafnréttisáætlanir eru mikilvægar og hvernig hægt er að setja sér skýr markmið og fylgja þeim eftir.