Ljósaganga á Akureyri og í Reykjavík

25.11.2013

Gengið verður frá Akureyrarkirkju kl. 17:00 og í lok ljósagöngunnar bjóða Sambíóin, Norðurorka og VÍS göngufólki í bíó. Kvikmyndin Disconnect verður sýnd en hún hefur fengið lof gagnrýnenda fyrir að takast á við tengsl og áhrif nútímatækni og samskiptamiðla í umfjöllun um netnotkun, klám og einelti.

Í Reykjavík hefst ganga klukkan 19.00 í Alþingisgarðinum og þaðan er gengið eftir Tjarnargötunni að Stúdentakjallaranum við Háskóla Íslands. Sérstakir heiðursgestir og ljósberar verða að þessu sinni merkiskonur sem áttu þátt í stofnun Kvennalistans fyrir 30 árum og vilja samtökin með þessum hætti heiðra starf þeirra í þágu jafnréttis á Íslandi.

Ljósagangan er gengin í tengslum við 16 daga átak gegn kynbundnu ofbeldi sem nú er haldið í 23. sinn. Átakið stendur í 16 daga frá 25. nóvember sem er alþjóðlegur baráttudagur gegn ofbeldi gegn konum og til 10. desember en það er hinn alþjóðlegi mannréttindadagur. Markmið átaksins er að knýja á um afnám alls kynbundins ofbeldis. Undanfarin ár hafa ýmis félagasamtök, fyrirtæki og stofnanir komið að átakinu hér á Akureyri ásamt Jafnréttisstofu.

Dagskrá átaksins má finna á viðburðaskrá Jafnréttisstofu og https://www.facebook.com/16dagar#!/16dagar

Til baka