Samantekt um sögu Jafnréttisráðs 1976-2020

Tekin hefur verið saman saga Jafnréttisráðs frá stofnun þess 1976 fram til árloka 2020 þegar ráðið var lagt niður með nýjum jafnréttislögum nr. 150/2020 um jafna stöðu og jafnan rétt kynjanna.

Í samantektinni sem unnin var af Jakobi Snævari Ólafssyni, meistaranema í sagnfræði, fyrir forsætisráðuneytið er saga Jafnréttisráðs rakin yfir tæplega 45 ára starfstímabil ráðsins og gefið yfirlit yfir þau fjölmörgu verkefni sem ráðið sinnti. Því er lýst hvernig umfang jafnréttismála hefur aukist jafnt og þétt frá stofnun Jafnréttisráðs, bæði almennt í samfélaginu sem og innan stjórnsýslunnar. Farið er yfir hvernig jafnréttismál hafi verið á jaðri íslensks samfélags og stjórnmála við stofnun Jafnréttisráðs 1976 en í árslok 2020 verið orðinn viðamikill málaflokkur, samtvinnaður stefnumótun stjórnvalda á flestum málefnasviðum.

 

Sjá nánar í frétt Stjórnarráðsins um samantektina.