Opið hús á jafnréttisstofu kl. 13-15. Boðið verður uppá bleikar veitingar í tilefni dagsins.
Allir velkomnir í spjall og komið og fáið nýútgefin gátlista Jafnréttisstofu og forsætisráðuneytisins Gætum jafnréttis, sem er ætlaður fyrir þá sem eru að vinna að stefnumótun.
Jafnréttisstofa er staðsett að Borgum við Norðurslóð, á annarri hæð.
Í Leiðinni minnum við á glæsilega dagskrá dagsins
- 16:15 Kvennasöguganga undir leiðsögn Kristínar Ástgeirsdóttur, sagnfræðings. Gangan hefst við Kvennaskólann í Reykjavík, gengið verður um Þingholtin og Kvosina og endað á Hallveigarstöðum.
- 17:00 Jafnréttisáfanga á Akureyri minnst. Í tilefni þess að 25 ár eru liðin frá því konum fjölgaði umtalsvert í bæjarstjórn Akureyrar og fyrsta konan varð forseti bæjarstjórnar stendur samfélags- og mannréttindaráð Akureyrarbæjar ásamt konum sem voru virkar í Jafnréttishreyfingunni og Kvennaframboðinu fyrir gróðursetningu 25 plantna í Vilhelmínulundi við Hamra. Flutt verða stutt ávörp, settar niður plöntur og boðið upp á kaffi.
- 17:15 Hátíðardagskrá í samkomusal Hallveigarstaða í boði Kvenréttindafélags Íslands, Kvenfélagasambandsins og Bandalags kvenna í Reykjavík. Ávörp flytja Þorbjörg Inga Jónsdóttir, formaður KRFÍ, Ingibjörg Sólrún Gísladóttir utanríkisráðherra og Steingerður Steinarsdóttir, ritstjóri 19. júní
- 18:00 Veitingar og kaffispjall á Hallveigarstöðum
- 20:30 Kvennamessa Kvennakirkjunnar í samvinnu við Kvenréttindafélag Íslands og Kvenfélagasamband Íslands. Messan er haldin við þvottalaugarnar í Laugardal
- 21:30 Femínistapartý Ungliðahóps Femínistafélagsins á Kaffi Cultura, Hverfisgötu