Úthlutun styrkja úr Jafnréttissjóði Íslands

Á kvenréttindadaginn þann 19. júní afhenti Eygló Harðardóttir, félags og húsnæðismálaráðherra styrki  úr Jafnréttissjóði Íslands. Tæplega 100 milljónir króna voru til úthlutunar úr sjóðnum sem stofnaður var í fyrra í tilefni af 100 ára afmæli kosningaréttar kvenna. Alls bárust 142 umsóknir en 42 umsækjendur hlutu styrk.

Jafnréttisstofa var meðal þeirra sem hlutu styrk fyrir verkefnið „Rjúfum hefðirnar – förum nýjar leiðir“ sem miðar að því að vinna gegn neikvæðum staðalmyndum um hlutverk kvenna og karla í námi og starfi.  

Verkefnin sem hlutu styrk eru afar fjölbreytt og eiga það sameiginlegt að miða að því að efla jafnrétti kynjanna í íslensku samfélagi og á alþjóðavísu. Jafnréttisstofa óskar styrkhöfum innilega til hamingju.
Frekari upplýsingar um uthlutunina má finna á heimasíðu velferðarráðuneytisins og lista yfir styrkþega má sjá hér.