Framlag til friðar og kynjajafnréttis - 10 ára samstarf utanríkisráðuneytisins og UNIFEM

Tíu ár eru liðin síðan utanríkisráðuneytið sendi fyrsta jafnréttissérfræðinginn til starfa fyrir Þróunarsjóð SÞ fyrir konur (UNIFEM) á Balkanskaga og hefur sá stuðningur verið óslitinn allar götur síðan. Auk starfsins á Balkanskaganum hafa íslenskir sérfræðingar starfað fyrir UNIFEM í Líberíu, á Barbados og í höfuðstöðvunum í New York. Á sama tíma hefur hlutfall fjárhagslegs stuðnings utanríkisráðuneytisins við UNIFEM aukist margfalt og skilað Íslandi í röð helstu stuðningsríkja sjóðsins.

Til að ræða samstarf utanríkisráðuneytisins og UNIFEM, vægi þess og framtíð innan nýrrar og öflugrar Stofnunar Sameinuðu þjóðanna um kynjajafnrétti og valdeflingu kvenna  (UN Women) verður efnt til málþings föstudaginn 19. nóvember frá kl. 10:00 - 15:00 í Háskólanum á Akureyri.

Utanríkisráðuneytið, Jafnréttisstofa, landsnefnd UNIFEM á Íslandi og Háskólinn á Akureyri standa að málþinginu, sem er öllum opið.

Fundarstjóri verður Þóroddur Bjarnason, prófessor í félagsfræði við Háskólann á Akureyri.

Dagskrá

10:00-10:15  Mæting og kaffi

Stofnanir og samstarf
10:15-10:20   Inngangsorð
                     Hermann Óskarsson, varaformaður jafnréttisráðs HA
10:20-10:40   Mikilvægi alþjóðlegs samstarfs í jafnréttismálum
                     Kristín Ástgeirsdóttir, framkvæmdastýra Jafnréttisstofu
                     (starfsmaður UNIFEM í Kósóvó 2000-2001)
10:40-11:00   Samstarf utanríkisráðuneytisins við UNIFEM 
                      Hermann Örn Ingólfsson,
                      sviðsstjóri þróunarsamvinnusviðs utanríkisráðuneytisins
11:00-11:20   Hlutverk landsnefnda UNIFEM
                      Ragna Sara Jónsdóttir, formaður UNIFEM á Íslandi
11:20-12:00   Panel umræður og spurningar úr sal um vægi, fordæmi
                    og framtíð samstarfsins
                      Panelstjóri: Margrét Heinreksdóttir
                      (starfsmaður UNIFEM í Kósóvó 2002-2003)

12:00-13:00  - Hádegishlé -

Starfið á vettvangi
13:00- 14:00  Þrjár nýlegar sögur af vettvangi:
                    - Birna Þórarinsdóttir
                       (starfsmaður UNIFEM í Serbíu 2008-2010)
                    - Hildur Fjóla Antonsdóttir
                       (starfsmaður UNIFEM á Barbados og í New York ár 
                       2006-2009) 
                    - Hjálmar Sigmarsson
                       (starfsmaður UNIFEM í Bosníu og Hersegóvínu 2008-2010)
14:00-14:20   Skilar friðargæslan kynjajafnrétti í reynd? 
                     Silja Bára Ómarsdóttir, aðjúnkt við Háskóla Íslands
14:20-15:00   Panelumræður og spurningar úr sal um friðargæslu
                    og kynjajafnrétti 
                     Þátttakendur í panel eru ofangreindir fyrirlesarar
                     auk Guðna Bragasonar,
                     forstöðumanns Íslensku friðargæslunnar
                     Panelstjóri: Inga Dóra Pétursdóttir, framkvæmdastýra
                     landsnefndar UNIFEM á Íslandi

15:00            Samantekt og fundarslit
15:00-15:30   Móttaka