Áföll, EMDR og listmeðferð

Á vegum annarra Í sal Hlutaverkaseturs í Borgartúni 1, 105 Reykjavík. Einnig í streymi á Facebooksíðu Geðhjálpar.
Áföll, EMDR og listmeðferð
29. nóvember kl. 20:00-21:00

Geðhjálp mun í vetur standa fyrir fræðsludagskrá um geðheilbrigðismál. Erindin verða haldin í sal Hlutaverkaseturs í Borgartúni 1, 105 Reykjavík kl. 20:00 og fara fram einn þriðjudag í mánuði, auk þess sem þau verða einnig í beinu streymi á Facebook síðu Geðhjálpar. Boðið verður upp á kaffi og spjall að fyrirlestrunum loknum. 

29. nóvember kl 20:00
Áföll, EMDR og listmeðferð – Rósa Richter sálfræðingur og listmeðferðarfræðingur

Í þessum fyrirlestri mun Rósa fjalla um áföll, hvað veldur þeim, afleiðingar þeirra og hvernig er hægt að öðlast bata eftir þau. Hún lýsir EMDR áfallameðferð, uppruna meðferðarinnar og árangur hennar. Rósa mun einnig lýsa EMDR meðferð fyrir hópa, og hvernig listmeðferð er vafið saman við EMDR meðferð í hópvinnu. Rósa mun kenna virka aðferð til að draga úr bæði andlegri og líkamlegri vanlíðan.