- Samfélag og einstaklingar
- Vinnumarkaður
- Þjónustugátt
Markmið jafnréttisáætlunar er að stuðla að jafnri stöðu kvenna og karla hjá Menntaskólanum í Kópavogi og jöfnum tækifærum einstaklinga á sem flestum sviðum, óháð kynferði. Þetta á m.a. við um rétt til starfa, aðstöðu, menntunar og launa fyrir jafnverðmæt og sambærileg störf.
Menntaskólinn í Kópavogi leggur áherslu á;
• Jafnrétti í skólanámskrá
• Launajafnrétti
• Jafnan hlut karla og kvenna við stjórnun skólans
• Jafnan hlut karla og kvenna í nefndum, ráðum og verkefnum á vegum skólans
• Að störf séu auglýst ókyngreind
• Jafnan rétt starfsfólks til endurmenntunar og starfsþróunar
• Gagnkvæma virðingu og góða líðan starfsfólks og nemenda
Hlutföll kynja
Skólameistari kona, aðstoðarskólameistari karl
2 áfangastjórar karl og kona
Fagstjórar 7 konur og 7 karlar
Aðrir stjórnendur: (Skrifstofustjóri, fjármálastjóri, innkaupastjóri) 1 kona 2 karlar
Kennarar: 55 konur 60%, 36 karlar 40%
Nemendur: 652 strákar (45%) 834 stelpur (55%).
Reglulega er farið yfir launagreiðslur í þeim tilgangi að skoða hvort kynjum sé mismunað. Að auki stóð skólinn fyrir sérstakri jafnréttisviku í mars þar sem öll kennsla hafði jafnrétti kynja að inntaki með einum eða öðrum hætti auk sameiginlegrar dagskrár þar sem fjallað var um ýmsa þætti málsins. Önnur jafnréttisvika er fyrirhuguð. Loks ber að nefna að MK er stýriskóli hins samevrópska Comeníusarverkefnis um jafnréttismál Equal2Equal.
Jafnréttisráð telur að Menntaskólinn í Kópavogi sýni gott starf á sviði jafnréttismála og vill með viðurkenningunni hvetja aðra skóla til líkrar starfsemi.