Fréttir

Gjaldfrjáls aðgangur að jafnlaunastaðlinum

Almenningi hefur verið tryggður gjaldfrjáls lesaðgangur að jafnlaunastaðlinum; ÍST 85:2012 – Kröfur og leiðbeiningar. Staðallinn er birtur á sérstökum vef sem opnaður var í þessu skyni í samræmi við samning velferðarráðuneytisins og Staðlaráðs Íslands.

#metoo – áfram gegn ofbeldi

#metoo byltingin heldur áfram og fleiri konur stíga fram. Frásagnir 776 kvenna af kynferðislegu ofbeldi hafa birst og vel yfir fimmþúsund konur hafa skrifað undir yfirlýsingar þar sem breytinga er krafist.

Konur upp á dekk!

AkureyrarAkademían, Jafnréttisstofa og JCI Sproti standa fyrir hagnýtri fræðslu og samræðuþingi um stjórnmál.

Sérfræðingur óskast

Jafnréttisstofa auglýsir laust til umsóknar starf sérfræðings. Starfshlutfall er í 75%. Í boði er krefjandi starf í frjóu umhverfi sérfræðinga á sviði jafnréttis- og mannréttindamála þar sem reynir á öguð vinnubrögð, ábyrgð og sjálfstæði.

Formennskuáætlun Svía í Norrænu jafnréttissamstarfi

Svíþjóð fer með formennskuna í Norrænu ráðherranefndinni árið 2018. Í yfir 40 ár hafa Norðurlöndin átt samstarf um jafnréttismál en löndin eiga öll sína sérstöðu þegar kemur að jafnréttismálum sem þau telja mikilvægt að deila hvert með öðru.

Staða og réttindabarátta kvenna á átakasvæðum

Fimmtudaginn 18. janúar kl. 17:00-17:50 flytur Magnea Marinósdóttir alþjóðastjórnmálafræðingur erindi um stöðu og réttindi kvenna á þeim átakasvæðum sem hún hefur starfað sl. sjö ár fyrir alþjóðastofnanir og –samtök í Afganistan, á Balkanskaga og nú síðast í Palestínu og Ísrael.

Stígamót halda námskeið fyrir karla sem vilja beita sér í baráttunni gegn kynbundnu ofbeldi

Boðið er upp á ítarlegt tveggja daga námskeið um kynferðisofbeldi gegn konum, með sérstaka áherslu á hvað karlar geta gert til að berjast gegn því.

Áreitni á vinnustöðum, NEI TAKK!

Jafnréttisstofa vill vekja athygli á fundinum Áreitni á vinnustöðum, NEI TAKK! sem haldinn verður á Grand hótel Reykjavík fimmtudaginn 11.janúar frá kl. 8.00-10.30.