Fréttir

Kvennasáttmáli Sameinuðu þjóðanna varð 30 ára þann 18. desember síðastliðinn. Í tilefni þess hefur Mannréttindaskrifstofa Íslands gefið út nýtt fræðslurit um Kvennasáttmálann, í samstarfi við Jafnréttisstofu, félags- og tryggingamálaráðuneyti, UNIFEM á Íslandi og utanríkisráðuneyti. Með útgáfu bókar um Kvennasáttmálann er ætlunin að stuðla að aukinni þekkingu á réttindum kvenna og þar með stuðla að samfélagi þar sem konur njóta jafnréttis, mannhelgi, borgaralegra og stjórnmálalegra réttinda óttaleysis um líf og afkomu. 

Jafnréttisstofa gefur út dagatal í ár í tilefni þess að í haust eru liðin 15 ár frá kvennaráðstefnu Sameinuðu þjóðanna í Peking. Þar var samþykkt viðamikil framkvæmdaáætlun í málefnum kvenna – Pekingáætlunin – sem nær yfir tólf málaflokka, allt frá fátækt kvenna og stöðu þeirra á átakasvæðum til menntunar, heilsu og aukinna valda.

Kvennasáttmáli Sameinuðu þjóðanna (CEDAW), um afnám allrar mismununar gegn konum, er 30 ára í dag 18. desember.

Starfsfólk Jafnréttisstofu óskar öllum landsmönnum gleðilegra jóla og farsældar á komandi ári.

„Ekki má eingöngu líta á konur sem þolendur loftslagsbreytinga, heldur sem mikilvæga gerendur við lausn vandans,“ sagði Svandís Svavarsdóttir umhverfisráðherra í opnunarávarpi sem hún hélt í gær í málstofu sem haldin var á loftslagsráðstefnunni í Kaupmannahöfn, sem bar yfirskriftina „Konur sem afl til breytinga.“

Næstkomandi föstudag, 18. desember, flytur Dr. Elisabeth Klatzer opinn fyrirlestur um kynjaða fjárlagagerð (Gender Responsive Budgeting) í stofu 101, Lögbergi, kl. 12:00-13:00 á vegum GET, Alþjóðlegs jafnréttisseturs.

Fjölmenni var á hátíðardagskrá í tilefni af lokadegi 16 daga átaks gegn kynbundnu ofbeldi og degi Mannréttindayfirlýsingar Sameinuðu þjóðanna á Akureyri í gær.

Jafnréttisráð hefur sent frá sér ályktun um þar sem varað er við þeim hugmyndum sem fram hafa komið um skerðingu fæðingarorlofs.

Í tilefni af lokadegi 16 daga átaks gegn kynbundnu ofbeldi og degi Mannréttinda- yfirlýsingar Sameinuðu þjóðanna verður flutt hátíðardagskrá kl. 16:15 í Kvosinni í Menntaskólanum á Akureyri en þaðan verður haldið að Ráðhústorgi þar sem samstaða gegn kynbundnu ofbeldi fer fram.

Háskólinn á Akureyri og Símenntun Háskólans á Akureyri bjóða upp á námskeið um kynbundið ofbeldi, vanrækslu og illa meðferð.  Námið er  kennt á komandi vormisseri og gefst nemendum kostur á fjarkennslu til Ísafjarðar, Egilsstaða, Selfoss og Hafnarfjarðar.