Fréttir

Árni Páll Árnason, félags- og tryggingamálaráðherra, segir að sýni atvinnulífið ekki marktækan árangur í því að breyta kynjahlutföllum í stjórnum fyrirtækja fljótlega upp úr áramótum sé einboðið að setja kvóta til að rétta hlut kvenna. Þetta kom fram í ávarpi hans við setningu norrænnar ráðstefnu um Kyn og völd sem nú stendur yfir í Reykjavík. Ráðherra lýsti vonbrigðum með að ekki hafi tekist að hafa áhrif til góðs á hlutfall kvenna í stjórnum við endurreisn fyrirtækja, þrátt fyrir skýr ákvæði í lögum og verklagsreglum þar um.

Ráðstefna um kyn og völd fer fram á Grand Hótel,Reykjavík 18.-19. nóvember nk.Undanfarið ár hefur stór hópur norrænna fræðimanna unnið hörðum höndum við að safna og greina upplýsingar um valdahlutföll kynjanna, annars vegar í stjórnmálum, hins vegar í atvinnulífinu. Niðurstöður liggja fyrir og verða þær kynntar á ráðstefnunni.

Málþingið hefst með sýningu á Lilju í Rýminu kl. 15.00. Að henni lokinni, um kl. 17.20 hefjast framsöguerindi í Ketilhúsinu og eftir veitingahlé verða pallborðsumræður frá kl. 18.30.

Jafnréttisráð hefur ákveðið að veita kvennalandsliðinu í fótbolta viðurkenningu ráðsins árið 2009. Meginröksemd fyrir þessari ákvörðun Jafnréttisráðs er það fordæmisgildi sem starf og árangur kvennalandsliðsins hefur og er stúlkum mikil hvatning og fyrirmynd.

Næstkomandi laugardag 14. nóvember, verður haldið málþing á vegum EDDU - öndvegisseturs undir yfirskriftinni: The Global Crisis, Transnational Reconfigurations, and Local Contexts

Norræna embættismannanefndin um jafnréttismál og norræna kvenna- og kynjarannsóknastofnunin (NIKK) bjóða til ráðstefnu um kyn og völd á Norðurlöndum á Grand Hótel Reykjavík dagana 18.-19. nóvember 2009.

Dagskrá ráðstefnunnar um Kynjaða fjárlagagerð er nú aðgengileg. Fer hún fram á Hótel Nordica, 13 nóvember og er skráning í fullum gangi. Ráðstefnan er sérstaklega ætluð forstöðumönnum ríkisstofnana, skrifstofu- og ráðuneytisstjórum, fulltrúum í fjárlaganefnd, fjármálastjórum, þingmönnum og ráðherrum, embættismönnum í norrænu samstarfi og sérfræðingum um jafnréttismál.

KRFÍ stendur fyrir súpufundi á Hallveigarstöðum, í dag 5. nóvember kl. 12.00-13.00 undir yfirskriftinni: Sýnileiki kvenna í fjölmiðlum á kosningaári. Stutt erindi flytja Sóley Tómasdóttir borgarfulltrúi og Svanhildur Kaaber, formaður stjórnar Ríkisútvarpsins.

Sjónvarpið sýnir á morgun heimildarmyndina Konur á rauðum sokkum. Myndin fjallar um hina íslensku rauðsokkahreyfingu er starfaði allan áttunda áratuginn.

Kynjuð fjárlagagerð er flestum framandi hugtak enn sem komið er og á ráðstefnunni verður leitast við að skýra út hugmyndafræðina og aðferðirnar sem hún byggir á. Meðal annars verður skoðað hvaða áhrif ákvarðanir um ríkisútgjöld hafa á kynin. Ráðstefnan fer fram á Hótel Nordica, 13 nóvember.