Fréttir

Vinnumarkaðurinn og jafnréttisbaráttan - eru verðmætin í jafnréttinu falin? Jafnréttisnefnd ASÍ býður til ráðstefnu 12. nóvember 2015 kl. 10:00 – 16:00 á Icelandair Hótel Reykjavík Natura Í ár eru 40 ár frá því að íslenskar konur lögðu niður störf þann 24. október til að sýna fram á mikilvægi vinnuframlags þeirra og krefjast bættra kjara. 60 ár eru frá því að fyrsta jafnlaunaráðstefna ASÍ var haldin, þar sem fjallað var um kjör kvenna. Í ár fagna íslenskar konur 100 ára afmæli kosningaréttar og á næsta ári fagnar Alþýðusamband Íslands 100 ára afmæli sínu.

Landsfundur jafnréttisnefnda sveitarfélaga fór fram á Egilsstöðum þann 13. október sl. Dagskrá fundarins var áhugaverð og voru tæplega 30 fulltrúar sveitarfélaga mættir til að taka þátt í fundinum. Á undanförnum árum hafa landsfundir jafnréttisnefnda farið fram í ýmsum landshlutum til að létta fólki víða um land sporin á landsfundina en að ári verður landsfundur í fyrsta sinn haldinn á Norðurlandi vestra nánar tiltekið á Hvammstanga í Húnaþingi vestra.

Framkvæmdastjórn Evrópusambandsins vekur athygli á launamisrétti kynjanna í Evrópu þann 2. nóvember n.k. þar sem konur eru nú með rúmlega 16% lægri laun en karlar. Dagurinn er táknrænn en vegna þessa launamisréttis má segja að konur innan Evrópusambandsins vinni launalaust frá og með 2. nóvember til áramóta. 

Á fundi sínum þann 21.október sl. samþykkti Jafnréttisráð eftirfarandi ályktun.  Jafnrétti er ein af grunnstoðum í íslenskum leik- grunn- og framhaldsskólum. Í því ljósi leggur Jafnréttisráð ríka áherslu á að þeir skólar sem annast menntun kennara tryggi öllum kennaranemum í grunnnámi staðgóða fræðslu um jafnréttismál.  Allir kennaranemar verða að búa yfir faglegri þekkingu á jafnréttismálum, ásamt færni til að miðla og vinna með nemendum. Jafnrétti á samkvæmt lögum að vera samofið öllu skólastarfi og því verða öll störf kennara að taka mið af því og skólabragur að einkennast af jafnrétti.  Jafnréttisráð vill í þessu sambandi vekja athygli á nýstofnuðum Jafnréttissjóði Íslands, en þar á sérstaklega að styrkja þróunarverkefni í skólakerfinu og fræðslu í kynjafræðum.

Kvennafrídagurinn var haldinn hátíðlegur á Akureyri sl. laugardag og þess minnst að fjörutíu ár voru liðin frá því að íslenskar konur fylktu liði og tóku sér frí í einn dag.

Föstudaginn 6. nóvember verður haldið málþing undir yfirskriftinni "Konur í stjórnmálum, reynsla og lærdómur". Málþingið fer fram á  Hótel Héraði á Egilsstöðum og hefst klukkan 13.30. 

Á jafnréttistorgi miðvikudaginn 28. október fjallar Ingibjörg Þórðardóttir félagsráðgjafi um birtingarmyndir þess ofbeldis sem gerendur sjálfir segja frá, skýringar þeirra á ofbeldinu og mögulegar leiðir til að koma í veg fyrir endurtekið ofbeldi. Þá verður einnig sagt frá reynslu gerenda af ofbeldi í æsku og að lokum boðið uppá stuttar umræður. Jafnréttistorgið er í samstarfi Jafnréttisstofu og HA og er öllum opið. 

Jafnréttisráð óskar eftir tilnefningum til fjölmiðlaviðurkenningar Jafnréttisráðs.  Í ár mun Jafnréttisráð, ásamt ráðherra jafnréttismála, veita sérstaka fjölmiðlaviðurkenningu aðilum sem hafa skarað fram úr þegar kemur að umfjöllun um mál sem tengjast jafnrétti kynjanna. Fjölmiðlaviðurkenningin verður afhent á Jafnréttisþingi sem haldið er 25. nóvember næstkomandi. 

Jafnréttissjóður býður til málþings þar sem kynntar verða niðurstöður rannsókna sem sjóðurinn styrkti 2014 og jafnframt fer fram úthlutun sex nýrra styrkja. Málþingið verður haldið á kvennafrídaginn 24. október 2015 kl. 11-13 í Iðnó.

Laugardaginn 24. október boða Zontakonur á Akureyri í samstarfi við Jafnréttisstofu, Akureyrarbæ og Minjasafnið á Akureyri til afmælisdagskrár í tilefni af fjörutíu ára afmælis Kvennafrídagsins. Dagskráin hefst kl. 11:30 við Aðalstræti 6 þar sem Vilhelmína Lever kaus fyrst íslenskra kvenna.