Fréttir

Árlegur samráðsfundur jafnréttisfulltrúa ráðuneyta og starfsfólks Jafnréttisstofu  fór fram á Jafnréttisstofu þann 9. september sl. Þar var farið  yfir helstu verkefni Jafnréttisstofu og þau verkefni sem eru í gangi innan ráðuneytanna eða í undirstofnunum þeirra. Meðal annars var sjónum beint að formennsku Íslands í Norrænu ráðherranefndinni 2014 en þá stendur mikið til hvað varðar jafnrétti kynjanna. Að þessu sinni voru tvær mismununartilskipanir Evrópusambandsins kynntar sérstaklega og rætt um þá réttarvernd sem þær munu veita hér á landi en til stendur að innleiða þær á næstu mánuðum. Þær munu hafa í för með sér verulegar breytingar á stjórnsýslu jafnréttismála. 

Árlegur (lokaður) fundur jafnréttisstofnana á Norðurlöndunum verður haldinn í Reykjavík 5.-6. september. Að þessu sinni verða aðalumræðuefnin staða og hlutverk félagasamtaka í mannréttindabaráttu og hatursorðræða í netmiðlum. Þá verða einnig kynntar nýlegar úttektir Norðmanna á skipulagi og stefnu þeirra hvað varðar jafnrétti kynjanna.

Bandalag kvenna í Reykjavík í samstarfi við Stjórnmálafræðideild HÍ og námsbraut í blaða- og fréttamennsku auglýsir styrk til ritunar meistararitgerðar um birtingarmyndir kvenna í íslenskum fjölmiðlum. Miðað er við lokaverkefni í meistaranámi, að lágmarki 30 ECTS einingar. Verkefnið þarf að hefjast sem fyrst og er miðað við að því ljúki ekki síðar en vorið 2014. Verkefnið hentar meistaranema í kynjafræði, stjórnmála- og stjórnsýslufræðum, blaða- og fréttamennsku eða almennum félagsvísindum og skal beita kynjafræðilegu sjónarhorni á verkefnið. Markmið verkefnisins er að m.a. að kanna kynjahlutföll í fjölmiðlum og að hvaða marki mismunandi birtingarmyndir búi að baki mismunandi sýnileika kynjanna. Gert er ráð fyrir að rannsóknin verði gagnagreining, spurningakönnun og/eða viðtalsrannsókn.

Eygló Harðardóttir, félags- og húsnæðismálaráðherra, kynnti sér starfsemi Jafnréttisstofu á Akureyri í vikunni og ræddi við starfsfólk um áherslur í jafnréttismálum og helstu verkefni stofnunarinnar. Í för með ráðherranum voru Matthías Páll Imsland, aðstoðarmaður ráðherra, Höskuldur Þórhallsson, þingmaður, Ingi Valur Jóhannsson, Rán Ingvarsdóttir og Margrét Erlendsdóttir.

Norræna þekkingar- og upplýsingamiðstöðin um jafnréttismál, NIKK, hefur auglýst styrki vegna verkefna á sviði jafnréttismála. Umsóknarfrestur er til og með 15. september næstkomandi. Opnað verður fyrir umsóknir þann 15 ágúst.

Rannsóknastofnun í barna- og fjölskylduvernd og Félagsráðgjafardeild HÍ í samstarfi við MARK og Jafnréttisstofu bjóða upp á málstofu þann 20. ágúst n.k. í Lögbergi (101).  Í málstofunni mun Ann Shola Orloff, prófessor í félagsfræði við Northwestern Háskólann í Chicago flytja fyrirlestur sinn: Kyn, velferð og leiðir úr kreppum. Málstofan hefst kl. 12:10 og er öllum opin.

Þessari spurningu er velt upp í nýlegu meistaraverkefni Ragnheiðar G. Eyjólfsdóttur í Stjórnun og eflingu mannauðs (OBTM) frá Háskólanum í Reykjavík. Megin markmið rannsóknarinnar var að skoða hvernig starfsfólki á íslenskum vinnumarkaði gengur að samræma fjölskyldulíf sitt og atvinnu.

Vinnuhópur sem falið var að fjalla um leiðir til að samræma fjölskyldu- og atvinnulíf hefur skilað félags- og húsnæðismálaráðherra tillögum sínum og greinargerð. Velferðarráðherra skipaði hópinn í samstarfi við Jafnréttisráð og Jafnréttisstofu haustið 2012.

Fjölmennt var í fyrstu kvennasögugöngu um Oddeyrina á Akureyri þann 19. júní sl. en hátt í 200 manns hófu gönguna frá Ráðhústorgi. Margir einstaklingar komu að göngunni í ár aðrir en leiðsögumaðurinn Örn Ingi Gíslason og leikkonan Saga Jónsdóttir sem fjallaði á skemmtilegan og upplýsandi hátt um Vilhelmínu Lever sem kaus fyrst kvenna til sveitarstjórnar á Íslandi fyrir 140 árum. Þátttakendur í göngunni mættu ýmsum leiknum karakterum á götum eyrarinnar en ungt fólk úr verkefninu „Skapandi sumarstörf“ hjá Akureyrarbæ setti sig í stellingar íbúa á eyrinni. Eigendur fornbíla keyrðu um eyrina með farþega frá liðnum tíma.

Kristín A. Árnadóttir sendiherra flutti erindi um kynjajafnrétti og stöðu jafnréttismála á Íslandi í Kvennaháskóla Kína (China Women’s University) í Peking í lok maí. Fyrirlesturinn var upphaf fundaraðar í háskólanum með fulltrúum erlendra ríkja. Fyrirlesturinn fór fram í hátíðarsal skólans og voru um 400 nemendur, kennarar og aðra gestir viðstaddir.